ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი ღრმა მწუხარებას გამოთქვამს გამოჩენილი ქართველი მეცნიერის, იურიდიულ მეცნიერებათა დოქტორის, პროფესორ ოთარ გამყრელიძის გარდაცვალების გამო და სამძიმარს უცხადებს მის ოჯახს და ახლობლებს.
ბატონი ოთარი იმ რჩეულ მეცნიერთა რიცხვს მიეკუთვნება, რომლებმაც ქართული სისხლის სამართლის მეცნიერებაში წარუშლელი კვალი დატოვეს. ის მთელი ცხოვრების მანძილზე დაუღალავად ემსახურებოდა ქართული სისხლის სამართლის სკოლის განვითარებას ევროპული სისხლის სამართლის მეცნიერების კვალდაკვალ. ბატონი ოთარი არა მხოლოდ ცნობილი მეცნიერი, არამეც ცნობილი პრაქტიკოსი იურისტი გახლდათ. ის მეცნიერული კვლევების პარალელურად, წლების მანძილზე საადვოკატო საქმიანობასაც ეწეოდა. მან არაერთი თაობის მეცნიერ-მკვლევარი და პრაქტიკოსი იურისტი აღზარდა. ის თავისი პროფესიონალიზმის და განსაკუთრებული პიროვნული თვისებების გამო ყოველთვის დიდი სიყვარულით და პატივისცემით სარგებლობდა საზოგადოებაში. ბატონი ოთარის გარდაცვალება ძალიან დიდი დანაკლისია ქართული იურიდიული საზოგადოებისთვის და მთლიანად ქვეყნისთვის.
